4ydd i 6ed Mai 2024
Os buoch chi yma, neu welsoch chi luniau o’r digwyddiad ‘Bala yn 50’ yn 2022 byddwch yn ymwybodol bod yna beiriannau lôn stêm (traction engines) wedi bod yn bresennol.
Cawsant gymaint o groeso gan ymwelwyr fel y rhoddodd hyn y syniad i ni eu gwahodd yn ôl!
Byddant mewn stêm dros y penwythnos, o amgylch safle’r orsaf a thrwy leoliad perffaith pentref Llanuwchllyn.
Bydd hyn yn dod ag atgofion melys yn ôl i’r rhai hŷn yn ein mysg o’r cyfnod lle gwelwyd peiriannau stêm ar y ffordd, ac yn cael ei ddefnyddio mewn amaethyddiaeth yn ogystal ag ar gledrau.
Dewch draw i ail-fyw'r darn hwnnw o hanes a fu unwaith mor gyffredin.
Bydd ein gwasanaeth dwy-drên Pinc yn weithredol ar y dydd Sadwrn a dydd Sul gyda'n amserlen Glas ar y dydd Llun.
